استخدامات متنوعة لفرشاة الاسنان القديمة-وداعا لرمي الاشياء القديمة و الاستفادة منها ..

1 - ممكن تستخدميها فى تنظيف حوض الحمام بمعنى تغسلى الجزء الضيق اللى بيبقى وراء الحنفية ..

2 - كمان ممكن تستخدميها فى تلميع الحنفيات باستخدام زيت الصابون بتاع المواعين وتدعكى الحنفيات تخليهم بيلمعوا ..

3 - كمان ممكن لو فى الشتاء و سورى يعنى الجزمة اللى ابنك جاى بيها من برة فيها طين سبيها تنشف وبعدين افركى الحذاء بالفرشة وبعدين يبقى سهل بعد كدة تنظفية بقماشة مبلللة بالماية ..

4 - كمان ممكن تستخدميها لو عندك شقوق فى كعب رجلك تقشرى بيها القشور وتفريكها بالفرشة وبعدين تدهنيها بالفازلين هتبقى انعم من الحرير والتششقات هتروح بسرعة ..

انتظروني ومزيد من التجارب و النصايح المفيدة جدا

و لا تنسوني بدعوة حلوة بظهر الغيب ان ربنا يتم شفائي علي خير